Posted in ahmedabad, society

મોદીજી! આ બાઇકર્સ પણ એક પ્રકારના ત્રાસવાદીઓ જ છે, હોં!

ત્રાસવાદીઓ અનેક પ્રકારના હોઈ શકે. તમારા ઘરમાં તમારે શાંતિથી ઊંઘી જવું હોય અને કોઈ મોટે મોટેથી મ્યૂઝિક વગાડતા હોય તેને તમે શું કહેશો? તમારે દિવાળીમાં બહાર નીકળવું છે તમે રસ્તા પર નીકળ્યા છો અને તમે જાવ તેની રાહ જોયા વગર જ કાન ફાટી જાય તેવા અવાજવાળા ફટાકડા કોઈ ફોડે તો તેને તમે શું કહેશો? ક્રિકેટ રમતા હોય અને તમે વચ્ચેથી રસ્તા પર પસાર થાવ ત્યારે તમે પસાર થઈ જાવ તેની રાહ જોયા વગર દડો નાખે તે દડો કે ફટકો માર્યા પછી દડો વાગે તો તેને તમે શું કહેશો?

થોડા વખત પહેલાં અમારા ઘર નીચે જ્યાં શાકભાજીઓવાળા ઊભા રહે છે ત્યાં મારી પત્ની શાક લેતી હતી અને તેને બાજુમાં જ રમતા છોકરાઓ દ્વારા ક્રિકેટમાં દડો સીધો છાતી પર વાગ્યો! છોકરાઓએ સોરી કહેવાની પણ તસ્દી લીધી નહીં. શાકવાળાએ કહ્યું કે આ તો રોજનું થયું. કોઈને કોઈને દડો વાગતો  જ હોય છે. (જોકે આમાં એક મુદ્દો, છોકરાઓ માટે આપણે ત્યાં રમવા માટે મેદાન નથી તે પણ છે જ.)

હમણાં હમણાં અમદાવાદમાં બાઇકસવારોનો ત્રાસ ખૂબ વધ્યો છે. ગઈ કાલે દશેરાની રાત્રિએ તો તેમણે સ્ટંટ તો કર્યા જ, ચિચિયારીઓ કરી લોકોને બિવડાવ્યા પણ ખરા, ઉપરાંત રાહદારીઓ પર રંગ પણ છાંટ્યો. http://www.gujaratsamachar.com/20101018/gujarat/ahd7.html

આ અંગે અનેક અહેવાલો સમાચારપત્રોમાં આવી ગયા છે, પણ પોલીસે જાહેરનામું બહાર પાડવા સિવાય કંઈ પગલું નથી. મુખ્યમંત્રીજી, આ પણ એક પ્રકારના ત્રાસવાદીઓ જ છે હોં કે! પેલા જેમ ઇસ્લામી ત્રાસવાદીઓને ગમે ત્યાંથી પકડી પાડ્યા તેમ આ લોકોને પણ પકડી પાડોને.  નહીંતર પેલી ‘ગુજરાતમાં સ્ત્રીઓ રાત્રે સલામતિથી પસાર થઈ શકે છે’ વાળી વાત ખોટી સાબિત થશે. સ્ત્રીઓ શું કોઈની સલામતિ નથી. આ બાઇકસવારો કોણ છે અને ક્યાંથી આવે છે તે હજુ સુધી પકડી પડાયું નથી, હા પોલીસ ધારે તો એક કે બે દિવસનો જ મામલો છે. એ કંઈ ચોરીછૂપીથી, પેલા ઇસ્લામી ત્રાસવાદીઓની જેમ આ કૃત્ય નથી કરતા, જાહેરમાં જ કરે છે.

અને વિષયને થોડો વિસ્તારીએ અને અત્યંત ગતિથી વાહન ચલાવવાની વાત હોય તો તેમાં બાઇકસવારો જ નહીં, રિક્ષાવાળાઓ, નાની અને મોટી કારના ચાલકો, બાળકોને શાળાએ લઈ જતા – લઈ આવતા વાનચાલકો બધાનો જ સમાવેશ કરવો પડે. રસ્તા પહોળા હોય કે સાંકડા, એટલી બધી ગતિએ ચલાવતા હોય છે કે વાત ન પૂછો. આ અંગે મેં સ્વતંત્ર પોસ્ટ લખી છે એટલે પુનરાવર્તન નથી કરતો. (https://jaywantpandya.wordpress.com/2010/05/10/%E0%AA%B0%E0%AA%BE%E0%AA%9C%E0%AA%A6%E0%AB%82%E0%AA%A4-%E0%AA%AA%E0%AA%B0-%E0%AA%B9%E0%AA%B0%E0%AA%A4%E0%AA%BE%E0%AA%82-%E0%AA%AB%E0%AA%B0%E0%AA%A4%E0%AA%BE%E0%AA%82-%E0%AA%AF%E0%AA%AE%E0%AA%A6/) પણ ગુજરાતનાં નગરોમાં વાહનો પર ગતિમર્યાદા આવે તેવું કંઈક અવશ્ય કરવું જોઈએ.

બાકી, તો અગાઉ લખ્યું હતું તેમ, તમે સહીસલામત ગંતવ્યસ્થાને પહોંચો તો તમારે ભગવાનનો અને આ વાહનચાલકોનો આભાર માનવાનો.

Advertisements

Author:

A journalist who loves his country most than any other thing. I am ever learning man. Reading, writing , Hindi films, television, music and learning new things are my passion. I like to be innovative.

6 thoughts on “મોદીજી! આ બાઇકર્સ પણ એક પ્રકારના ત્રાસવાદીઓ જ છે, હોં!

  1. ek to lokone sabu ( samanya buddhi ) nathi, tema vali aapana kayada alag vyakti maate alag chhe ( lag vag ne adhare ) have to evu thai chhe ke ek andolan chedavu padashe “symon come back”. Kem ke te vakhat na kayada kanoon koi todvani himmat athava to vichar pan nahota karata. tyare loko ajana karta sukhi ane nirbhay hata. tyare sarva lokone kayadani beek (darrr) hati. aaje to kayado mathabhare loko khamis na khissa ma laine chale che. aama to bhogavavanu thai phakta kayada ne maan apanarao ane tena upar vishwas rakhnaraonej etle ke samanya lokonej ke jeo vagdar nathi, paisadar nathi, luccha nathi, kaink jhothvi leva karta jata karava ma mane chhe, jeo besharam nathi ane chhelle ke jeo samaj ma ijjat jai to mathu oonchu karvano kshobh anubhave chheeee e loko.

    ok lakhvanu to ghanu thai pan…..JAI GARVI GUJARAT, JAI HIND.

  2. ભાઈ જયવંત
    માત્ર અમદાવાદમાં જ નહિ પરંતુ તમામ શહેરોમાં આ બાઈક વાળાઓનો ત્રાસ છે એટલું જ નહિ પરંતુ આરટીઓ અને પોલીસ વાળાની મીલિ ભગત છે. નહિ તો લાલ અને બ્લુ રંગની વાહન ઉપર નંબર પ્લેટ કેવીરીતે લગાડી શકાય ? ઉપરાંત વાહનો ઉપર સાંકેતિક નામો પણ લખાવવામાં આવે છે જેવાકે સરકાર, મા, જય માતાજીના, જય આશાપુરા, જય ખોડિયાર, મહેર, આયર વગેરે ! આ સાંકેતિક નામો ધરાવનાર વાહનો ક્યારે ય ડીટીઈન થયા જાણ્યું નથી/ વાહન ચાલવનારને લાયસંસ પણ ઘેર બેઠા મળી જાય છે. સગીર બાળકોને પણ લાયસંસ અપાય છે. મોદીને મેં પણ
    અંગત રીતે લખ્યું છે. મારાં બ્લોગ ઉપર આ વિષે 2-3 વાર લખ્યું છે. ખેર ! આશા રાખીએ કે મોદીજી આ વિષે કંઈક કડકા પગલાં લેવા યોગ્ય કરશે !
    સ-સ્નેહ્
    અરવિંદ

  3. આવા બાઈક સવારોના અને લાયસસ વગરના લોકોના વાહનો જપ્ત કરવા કાર્યવાહી કરવી જોઈએ. લાયસંસ વગર ચલાવનાર્નું વાહન તો જપ્ત કરવાનું જ પણ જેને નામે વાહન રજીસ્ટર્ડ હોય તેને બીન જામીન લાયક ગુન્હો ગણી અંદર કરી દેવાના કાયદાઓ કરવાની ખાસ જરૂરિયાત છે પણ મોદીજી કાયદાઓની અમલવારી કરાવી શકશે ખરા ?

  4. શ્રી જયવંતભાઈ,
    આપની વાત સાચી છે. આ બધો પણ એક જાતને ત્રાસવાદ જ છે. પણ સવાલ એ છે કે પગલાં કોણ લે? તંત્ર કાયદાઓ ઘડીને બેસી રહે છે. અરે સેંકડોના જીવ લેનાર ત્રાસવાદીઓને પણ સજા નથી અપાતી તો આવી બાબતોની શી આશા રાખવી? હમણા છાપામાં વાંચ્યું કે વિમાન અપહરણકારોને ફાંસીનો કાયદો ઘડાશે. કેટલું હાસ્યાસ્પદ! હજી અફઝલ ગુરૂ અને અજમલ કસાબ તો મહેમાનગતિ માણે છે. કસાબ તો અદાલતમાં થૂંકી પણ બતાવે છે. તો નવી સજાની માત્ર “જોગવાઈ”થી શું વળશે?
    બાઈકર્સ માટે પણ જાહેરનામુ બહાર પડ્યું. અમલના નામે રામ રામ. પોલીસને તો ખીસ્સા ભરવામાં રસ. એટલે એવા કિસ્સાઓ તો બનવા પણ મંડ્યા છે કે બાઈકર્સને બદલે અન્ય નિર્દોષો દંડાય.
    અમારે ભાવનગરમાં પણ “વિટકોસ”ની બસો બેફામ ડ્રાઈવીંગ માટે જાણીતી છે. તંત્ર કાંઈ કરતું નથી અને જ્યારે કાંઈ પણ અઘટીત બને ત્યારે વિટકોસના ડ્રાઈવર દાદાગીરી પર ઉતરી આવે અને તરત હડતાલના નામે આખા શહેરને બાનમાં લેવાય. આ ક્યાંનો ન્યાય?
    પણ ચાલે છે…આપણી લોકશાહી એ આ જ છે જ્યાં સામાન્ય માનવીની, એના જીવનની કાંઈ કિંમત નથી..

    1. અમારા નહીં, આપણા ભાવનગર એમ કહો. ભાઈ, હું પણ ભાવનગરનો જ છું.

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s