વેબસાઇટ પરની જાહેરખબરો : અતિથિ તુમ કબ જાઓગે?

જાહેરખબરો કોઈ પણ માધ્યમ માટે જરૂરી છે. એમ કહેવાય કે જાહેરખબરો આવે તો કર્મચારીઓના પગાર નીકળે. એક વખતે દૂરદર્શન પર જાહેરખબરો એટલી આવતી કે તેનાથી ત્રાસી જવાતું. ખાસ તો રવિવારે. રવિવારે ૭.૩૦ વાગ્યે ફિલ્મ આવતી. વીસેક મિનિટ સુધી જાહેરખબરો આવે તે પછી જ ફિલ્મ ચાલુ થતી. પણ ફિલ્મ ક્યારે ચાલુ થઈ જાય ને શરૂઆત ચુકી ન જવાય (કારણકે તે વખતે મનોરંજનના, અત્યારે છે તેટલાં અઢળક માધ્યમો નહોતાં) એટલે લોકો આપેલા સમયે ટીવી ચાલુ કરી દેતાં અને જાહેરખબરો પરાણે જોવી પડતી. જોકે કેટલીક જાહેરખબરો જોવી ગમતી પણ ખરી.

એ પછી વચ્ચે જાહેરખબરો આવવાનું શરૂ થયું. ’૯૫ પછી તો દૂરદર્શન પર એટલી જાહેરખબરો (શુક્રવારે) ફિલ્મની વચ્ચે આવતી કે એમ કહેવાતું કે જાહેરખબરોની વચ્ચે ફિલ્મ આવે છે. ખાનગી ચેનલો આવી ત્યારે શરૂઆતમાં આવું નહોતું, પણ ધીરે ધીરે આ દૂષણ એમાંય આવ્યું. અદ્દલ છાપાની જેવું!

કોઈ પણ છાપું કે સામયિક નવું નીકળે એટલે શરૂઆતમાં જાહેરખબરોના ફાંફા હોય. પરિણામે વાંચનસામગ્રીથી ભરપૂર છાપું કે સામયિક લાગે. પછી જેમ જેમ તે જામતું જાય એટલે ઘણી વાર જાહેરખબરોની વચ્ચે વાંચનસામગ્રી આવે. આમાં વાચકદ્રોહ થતો હોય છે. પણ હવે લગભગ બધાએ સ્વીકારી લીધું છે કે છાપા, સામયિક કે માધ્યમમાં જાહેરખબરોને પહેલું પ્રાધાન્ય આપવું જ જોઈએ. છાપામાં કે સામયિકમાં જાહેરખબરોને સમાચારની જેમ લેવામાં આવવા લાગ્યા છે અને આ જ ચાલ (ટ્રેન્ડ) ટીવીની ન્યૂઝ ચેનલો પર પણ છે. સમાચારની વચ્ચો વચ્ચ જાહેરખબરોને મૂકી દેવાનો પણ ચાલ છે. તો બીજી તરફ, જાહેરખબર આપે તેનો ઇન્ટરવ્યૂ કે સમાચાર લેવાનો પણ ચાલ થતો જાય છે, જેનો અંગત રીતે હું વિરોધી છું.

ખેર, આપણે વાત કરતા હતા, જાહેરખબરોની નડતરની. જાહેરખબરો એવા સમયે ટીવી પર આવે કે આપણને સિરિયલ કે ફિલ્મમાં રસભંગ થાય. હવે વેબસાઇટો પર પણ આવું જ થવા લાગ્યું છે, તેમાં જોકે મને તો વધુ દોષ વેબસાઇટની ડિઝાઇન કરનારાનો લાગે છે.

પહેલાં શું થાય છે તે સમજીએ. ઘણી વેબસાઇટ ખોલો કે ટપ્પ દઈને તમારી સ્ક્રીન પર જાહેરખબરનું, જેમ હોરર ફિલ્મમાં કોઈ પાત્ર કે ચીજ અચાનક ટપકી પડે તેમ ઉપરથી કે નીચેથી, જમણેથી કે ડાબેથી ટપકી પડે. અલબત્ત, દરેક જાહેરખબરમાં (x) નિશાની સાથે ક્લોઝ લખેલું હોય છે. પણ બદમાશી એવી કરે કે એ ક્લોઝ સફેદ અક્ષરમાં હોય એટલે તમને દેખાય જ નહીં! ઘણી જાહેરખબરો એવી ચોટડૂંક હોય કે તમે ક્લોઝ પર ક્લિક કરો તોય બંધ થવાનું નામ ન લે. અચ્છા માન્યું કે એ જાહેરખબરનો હેતુ એ છે કે તમે તેના પર એક વાર ક્લિક કરો અને એ બીજી વિન્ડો કે ટેબમાં ખુલે અને તમે તેની મુલાકાત લો એટલે તે પછી જે મુખ્ય વેબસાઇટ પર તમે જોતા હો ત્યાં બંધ થઈ જવી જોઈએ. પણ ના. આને તો પૂછવું પડે, ‘અતિથિ તુમ કબ જાઓગે?’ ઘણી વાર તો એ ડાબી બાજુ કે ઉપર પટ્ટામાં પથરાયેલી હોય અને વાંચન સામગ્રીના ભાગ પર આવરાયેલી હોય છે. પરિણામે વાંચનસામગ્રી પૂરેપૂરી તમે વાચી શકતા નથી.

(આવી વેબસાઇટો તમારા ધ્યાનમાં આવે તો તેની લિંક કોમેન્ટમાં આપી શકો છો.)

Advertisements

4 thoughts on “વેબસાઇટ પરની જાહેરખબરો : અતિથિ તુમ કબ જાઓગે?

  1. “અલબત્ત, દરેક જાહેરખબરમાં (x) નિશાની સાથે ક્લોઝ લખેલું હોય છે. પણ બદમાશી એવી કરે કે એ ક્લોઝ સફેદ અક્ષરમાં હોય એટલે તમને દેખાય જ નહીં! ઘણી જાહેરખબરો એવી ચોટડૂંક હોય કે તમે ક્લોઝ પર ક્લિક કરો તોય બંધ થવાનું નામ ન લે. ”

    I have faced above problem in way2sms.com & world4free.in
    i have more list but now just writes only two names which i remembered.

  2. જયવંતભાઈ, આપ જો ફાયરફોક્સ બ્રાઉઝર વાપરતા હોવ તો આ પ્લગ-ઈન (મીની સોફ્ટવેર) ઇન્સ્ટોલ કરી શકો છો.

    https://addons.mozilla.org/en-us/firefox/addon/ad-blocker/

    ૧૦૦% ની ગેરેંટી તો નથી પણ ઘણે અંશે જાહેરાત સતામણીનો પ્રોબ્લેમ સોલ્વ થઇ શકશે.
    આપનો પ્રતિભાવ વેલકમ.

    1. jaywantpandya

      કોણ જાણે કેમ, ગૂગલ ક્રોમની ટેવ એવી પડી ગઈ છે કે ફાયરફોક્સ અને ઇન્ટરનેટ એક્સપ્લોરર વાપરવું માફક નથી આવતું.

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s