૨૦૧૨ : વિહંગાવલોકનઃ દુનિયાના અંતની શરૂઆત?

મય સંસ્કૃતિ પ્રમાણે ૨૦૧૨ના ડિસેમ્બરમાં દુનિયાનો અંત થઈ જશે. આ વાતને સાચી માનીએ કે ન માનીએ, એક વાત માનવી પડે તેવી છે આ ૨૦૧૨ના વર્ષમાં અને તે એ કે આ વર્ષ કુદરતી આફતોનું રહ્યું.

આ વર્ષે અમેરિકામાં ‘સેન્ડી’ વાવાઝોડાએ હાહાકાર મચાવી દીધું અને અત્યાધુનિક ટેક્નોલોજી પર મુસ્તાક એવા આ સુપરપાવરને પણ પંગુતાની અનુભૂતિ કરાવી દીધી. ૮૦થી વધુ લોકો માર્યા ગયા અને લાખો લોકો બેઘર બનીને અસરગ્રસ્ત બન્યા. વીજળી વિનાની જિંદગી કેવી હોય તેનો અહેસાસ આ રોશનીથી ફાટફાટ નગરીઓના રાષ્ટ્રને થઈ ગયો. કમ્યૂનિકેશનના સાધનો સાથે પળેપળ વિતાવતા લોકોને સાધનો કામ ન કરે ત્યારે શું હાલત થાય તે અનુભવાઈ ગયું. દક્ષિણ ભારતમાં ‘નીલમ’ વાવાઝોડાએ પણ ત્રાસ ફેલાવ્યો. આંધ્રપ્રદેશ અને તમિલનાડુમાં ભારે વરસાદના કારણે નોંધપાત્ર મૃત્યુ પણ થયાં.

અમેરિકા સાથે મહાસત્તાની હરીફાઈ કરી રહેલા ચીન અને તેની સાથે સાથે જાપાન અને ફિલિપાઇન્સમાં પણ ‘સન તિન્હ’ વાવાઝોડાએ ૩૫ લોકોને ભોગ બનાવ્યા.

ઈરાનમાં ભૂકંપમાં ૨૫૦ લોકો મોતને શરણ થયા અને ૧૬,૦૦૦ લોકો ઘરવિહોણા બન્યા. ગ્વાટેમાલામાં પૃથ્વીની ભયંકર ધ્રૂજારીથી ઓછામાં ઓછા ૭૫ લોકોનાં મોત થયા.

૨૦૧૨ના વર્ષે ઓછા વરસાદે પણ વિપત્તિ આણી. દુષ્કાળથી અમેરિકા અને ભારતના લોકો ત્રાહિમામ પોકારી ગયા. ભારતમાં તો ગુજરાત, મહારાષ્ટ્ર, કર્ણાટક, રાજસ્થાન, પંજાબ, હરિયાણા અને દિલ્હી એમ અનેક રાજ્યોમાં ૭૧ ટકા સુધી ઓછો વરસાદ પડ્યો. જોકે રાજકારણીઓએ દુષ્કાળની સ્થિતિ જાહેર ન થવા દીધી. અનેક પશુઓનાં મોત થયાં.

એક તરફ, ઓછા વરસાદથી આપદા, તો બીજી તરફ, વધુ વરસાદ અને પૂરથી આફત! એક સમયે અમેરિકાની સામેના ધ્રૂવના ગણાતા રશિયામાં આ વર્ષે આવેલા પૂરનો ૧૪૪ લોકો ભોગ બન્યા. તો આસામમાં  ૨ લાખ લોકો અસરગ્રસ્ત થયા. (વિચારો, આટલા લોકો અમેરિકામાં અસરગ્રસ્ત થયા હોત તો કેવડા મોટા સમાચાર બન્યા હોત? પણ આસામની બહુ ઓછા અખબારો/ચેનલોમાં નોંધ લેવાઈ હતી).

આ સિવાય વધતી ગરમી અને ઠંડીથી તો વણનોંધાયેલાં અનેક મોત થયા અને એન્સિફિલિટિસ (મગજના તાવ) ડેન્ગ્યુ જેવા રોગચાળાએ પણ અનેકોને મોતના ભરડામાં લીધા.

Advertisements

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s