Posted in international, national

ઓવૈસી, જાવેદ મિયાંદાદ અને રહેમાન મલિક : સેક્યુલરિઝમ ક્લિન બોલ્ડ!

ફરી એક વાર કોંગ્રેસની અંગ્રેજશાહી ‘ભાગલા પાડો અને રાજ કરો’ અથવા ‘લઘુમતીની ખોટી આળપંપાળ’ની નીતિ છતી થઈ ગઈ! આંધ્રપ્રદેશમાં એમઆઈએમના ટૂંકા નામે ઓળખાતા ઓલ ઇન્ડિયા મજલિસ એ ઇત્તેહાદુલ મુસ્લિમીન નામના પક્ષના સાંસદ અસાઉદ્દીન ઓવૈસીના ભાઈ તેમજ આંધ્રના ધારાસભ્ય અકબરુદ્દીન ઓવૈસીએ ૨૪ ડિસેમ્બર, ૨૦૧૨ના રોજ આંધ્રપ્રદેશના અદિલાબાદ જિલ્લામાં જે નફરતભર્યું ભાષણ કર્યું તેની સર્વત્ર ટીકા થઈ. આ ભાષણમાં તેણે કસાબને બાળક કહ્યો અને કસાબને ફાંસી અપાય તો નરેન્દ્ર મોદીને શા માટે નહીં? તેવો પ્રશ્ન ઉઠાવ્યો. બાંગ્લાદેશનાં લેખિકા તસલીમા નસરીનને તો હૈદરાબાદ આવવાં દીધાં નહોતાં, મોદીમાં હિંમત હોય તો આવી દેખાડે, તેવો પડકાર પણ ફેંક્યો. આ બધું તો ઠીક, પણ તેણે, મુસ્લિમો હિન્દુઓને ચપટીમાં ચોળી નાખી શકે છે તેવી શેખી મારતી વખતે જે સંબોધન કર્યું તે  હતું કે – અરે! હિન્દુસ્તાન! મતલબ કે અકબરુદ્દીન નામના આ ભાઈ પોતાને હિન્દુસ્તાનનો ભાગ નથી માનતા અને તેને ત્યારે જે ૨૫ હજાર ટોળાનું ચિચિયારીઓ સાથે સમર્થન મળતું હતું તે ટોળું પણ પોતાને હિન્દુસ્તાનનો ભાગ નથી માનતું. વળી, કસાબની સરખામણી મોદી સાથે કરી. કસાબ જે પાકિસ્તાની હતો અને જેણે અમુક ત્રાસવાદીઓ સાથે મળીને વિદેશીઓ સહિત ભારતીયોને મુંબઈમાં મારી નાખ્યા.

આ ભાષણ જો કોઈ ધાર્મિક મુસ્લિમ સંગઠન કે અન્ય કોઈ બિન રાજકીય મુસ્લિમ સંગઠનના વડાએ આપ્યું હોત તોય સમજાય તેવું હતું, પરંતુ આ ભાષણ એક રાજકીય પક્ષના ધારાસભ્ય આપે છે. આ ભાષણની ગુજરાતી માધ્યમોમાં સૌપ્રથમ નોંધ ‘ગુજરાત સમાચાર’માં લેવાઈ હતી.  ભાષણના દસ દિવસ પછી પણ આંધ્રપ્રદેશની કોંગ્રેસ સરકાર તરફથી કાર્યવાહી થતી નથી. કેમ? કારણ એમઆઈએમ નામનો પક્ષ થોડા મહિનાઓ પહેલાં કેન્દ્રમાં અને રાજ્યમાં કોંગ્રેસનો ટેકેદાર પક્ષ હતો. આંધ્રમાં કોંગ્રેસમાંથી છૂટા થયેલા જગન રેડ્ડીએ પેટા ચૂંટણીમાં જે રીતે માથું કાઢ્યું હતું, તે જોતાં ૨૦૧૪માં આવનારી વિધાનસભા ચૂંટણીમાં ત્રિશંકુ વિધાનસભા આવે તો એમઆઈએમનો ટેકો લેવાની જરૂર પડી શકે અને ૨૦૧૪ની લોકસભા ચૂંટણી પછી કેન્દ્રમાંય તેનું સમર્થન અનિવાર્ય બની શકે તેવી ‘દૂરંદેશી’ (!)થી આંધ્રમાં કિરણ રેડ્ડીની સરકાર અને કેન્દ્રમાં મનમોહન સરકાર રહી છે. ગઈ કાલે (તા.૩ જાન્યુઆરી)એ આ અંગે કિરણ રેડ્ડીને સવાલ પૂછાતાં તેમણે જવાબ ટાળી દીધો હતો.

ઓવૈસી સામે સ્થાનિક ન્યાયાલયમાં કેસ થયો છે તે કોઈ વકીલે કર્યો છે, સરકારે નથી કર્યો. દિલ્હી બળાત્કાર કેસ બહુ ચલાવ્યા પછી ઇલેક્ટ્રોનિક મિડિયાનું ધ્યાન ૨જી તારીખથી (જે દિવસે આ કેસ થયાના સમાચાર આવ્યા) આ સમાચાર પર પડતાં તેમણે આ મામલો ચગાવ્યો અને એટલે પોલીસને ગઈ કાલે (૩જી જાન્યુ.એ) ઓવૈસી સામે ફરિયાદ નોંધવી પડી. ઓવૈસી સામે ફરિયાદ નોંધવી પડી.

કોંગ્રેસ અને અન્ય પક્ષોનું આ સેક્યુલરિઝમ છે. ટીવી પર ચર્ચામાં મહિલા સામાજિક કાર્યકર શબનમ હાશ્મી, કટ્ટરવાદના વિરોધના નામે માત્ર હિન્દુત્વનો અને સંઘ પરિવારનો વિરોધ કરતાં તિસ્તા સેતલવાડના પતિ જાવેદ આનંદ (જેઓ કમ્યૂનલિઝમ કોમ્બેટ, અર્થાત કોમવાદ સામે લડત નામનું એક માસિક ચલાવે છે) આ બધાએ ઓવૈસીની સામે પગલાં લેતાં પહેલાં પ્રવીણ તોગડિયા, ઉમા ભારતી, સાધ્વી ઋતુંભરા, અડવાણી, બાળ ઠાકરે જેવા નેતાઓ સામે પણ પગલાં ભરાતાં નથી કે ભરાયાં નથી, ભાજપ શાસિત રાજ્યોમાં પણ ઉશ્કેરણીજનક ભાષણો સામે કાર્યવાહી થતી નથી, તેવી પાયાવગરની, અર્થહીન  દલીલો કરી. અરે ભાઈ! હિન્દુત્વની પ્રયોગશાળા મનાતા ગુજરાતમાં પ્રવીણ તોગડિયાની એક નહીં બબ્બેવાર ધરપકડ થઈ ચૂકી છે. અડવાણી, ઉમા ભારતી, સાધ્વી ઋતુંભરા સામે વિવાદિત ઢાંચાના ધ્વંસ બદલ કેસ ચાલે છે. વરુણ ગાંધી સામેય કેસ ચાલે છે. બાળ ઠાકરેને તો ઉશ્કેરણીજનક ભાષણ બદલ મતાધિકારથી વંચિત કરી દેવાયા હતા (મતલબ કે તેમનું નાગરિકત્વ જ રહ્યું ન ગણાય.). ઓવૈસીના મામલે અલબત્ત, ભાજપના સૂરેય બોદા છે. શિવસેનામાં તો બાળ ઠાકરે રહ્યા નથી, એટલે ઉદ્ધવ ઠાકરે હજુ શોકમાં હોય તેમ લાગે છે. રાજ ઠાકરે કઈ દિશા પકડવી એ વિચારી રહ્યા હોય તેમ લાગે છે. સંઘ પરિવાર તરફથી કંઈ અવાજ સંભળાયો નથી.

બીજો મામલો જાવેદ મિયાંદાદને વિઝાનો છે. પ્રશ્ન એ થાય કે જાવેદ મિયાંદાદ તો ક્રિકેટર છે, તેને વિઝાનો વિરોધ શા માટે હોઈ શકે? ક્રિકેટર તરીકે તે કટ્ટરતાથી ભારત સામે રમ્યો હતો તે ભૂલી જાવ પણ સૌથી મોટી વાત તો એ છે કે અમેરિકાએ જેને સૌથી શોધિત (મોસ્ટ વોન્ટેડ) ત્રાસવાદી જાહેર કર્યો છે (માનસિક ગુલામ એવા ઘણા ભારતીયો માટે ભારત કરતાં, અમેરિકા કે બ્રિટન વગેરેનાં પ્રમાણપત્ર બહુ મહત્ત્વ ધરાવે છે) તે દાઉદ ઈબ્રાહિમનો તે વેવાઈ થાય છે. અનેક વાર્તાલાપોમાં તે દાઉદ સાથે નજદિકી જાહેર કરી ચુક્યો છે. વળી, દાઉદની જેમ મેચ ફિક્સિંગમાં પણ તેની સંડોવણી બહાર આવી છે. ક્રિકેટ અને રાજકારણને ન ભેળવવાની દુહાઈ દેતા કોંગ્રેસિયાઓ, દક્ષિણ આફ્રિકા સામે ભારત સહિતના દેશો ક્રિકેટ રમતા નહોતા, અને છેક ૯૦ના દાયકામાં રમવાનું શરૂ કર્યું હતું તે વાત સિફતપૂર્વક ભૂલી જાય છે. અને મિયાંદાદને વિઝા આપવો જ હોય તો તેને શરતી વિઝા આપી શકાય છે, કે તેની પૂછપરછ થશે. શ્રીલંકામાં ત્રાસવાદ ફેલાવનાર તમિલ વ્યાઘ્રોના પ્રભાકરનની માતાને તબીબી કારણોસર ભારત આવવું હતું ત્યારે આજથી ત્રણ વર્ષ પહેલાં, ૨૦૧૦ની સાલમાં તેમને શરતી વિઝા આપવાની દરખાસ્ત થઈ હતી જે પ્રભાકરનની માતાએ ફગાવી દીધી હતી. અને યાદ રહે, પ્રભાકરનની દુશ્મની ભારત સામે કે ભારતની અખંડિતતા સામે નહોતી, જ્યારે દાઉદે તો સ્મગલર તરીકે નહીં, પણ એક ત્રાસવાદી તરીકે ભારતને જબરદસ્ત નુકસાન પહોંચાડ્યું છે અને પહોંચાડતો રહે છે. પણ આ મામલે સરકાર સાવ બોદી પુરવાર થઈ. જેવી રીતે પાકિસ્તાનના ગૃહ પ્રધાન રહેમાન મલિક ભારત આવ્યા ત્યારે થઈ હતી. રહેમાન ભારતમાં આવીને મુંબઈના (૨૬ નવેમ્બર) હુમલા અને બાબરી ધ્વંસની સરખામણી કરી ગયા હતા. મુંબઈ હુમલાના આરોપી અબુ જુંદાલને ભારતીય ગુપ્તચર સંસ્થાનો એજન્ટ ગણાવ્યો હતો.

મૂળ તો, પાયાનો પ્રશ્ન એ છે કે પાકિસ્તાન સાથે આપણને સારા સંબંધો રાખવાની ‘ખંજવાળ’ કેમ ઉપડે છે? અને આ માટે માત્ર કોંગ્રેસ સરકાર જ જવાબદાર છે તેવું નથી. કોંગ્રેસનો ચેપ ભાજપની એનડીએ સરકારને પણ લાગ્યો હતો. પહેલાં લાહોર-અમૃતસરની બસ શરૂ કરી, તે પછી કારિગલમાં પાકિસ્તાની સેના ઘૂસી આવી, કબજો કરી લીધો, તેને માંડમાંડ ખદેડ્યા, તોય વાજપેયી સરકારે મુશર્રફને આગરામાં લાલ જાજમ પાથરી બોલાવ્યા. એટલું ઓછું હોય તેમ ૨૦૦૧માં ફરી સંસદ પર હુમલો થયો. તે પછી પાકિસ્તાન સાથે સંબંધો કાપી નાખ્યા. અને ફરી મનમોહનસિંહની સરકાર વખતે સંબંધો ચાલુ થયા. આવું જ ક્રિકેટ બાબતે થતું રહ્યું છે. ૨૦૦૮ના મુંબઈ હુમલા પછી ૨૦૦૯માં મનમોહન સરકારે પાકિસ્તાનમાં ભારતીય ક્રિકેટ ટીમનો પ્રવાસ પડતો મૂક્યો હતો. તો હવે એકાએક શું પાકિસ્તાન સુધરી ગયું કે તેની ક્રિકેટ ટીમને ભારતના પ્રવાસ માટે ૨૦૧૨માં આમંત્રણ આપી દીધું? શું મનમોહન સરકારે પાકિસ્તાને ‘સરબજીત’ અને  ‘સૂરજીત’ના મામલે કરેલી રમત ભૂલી ગયું? (પાંચ કલાક સુધી સરબજીતને છોડવાની વાત કરીને મધરાત્રે અચાનક સૂરજીતને છોડવાનો પાકિસ્તાનના પ્રમુખ આસીફ અલી ઝરદારીએ કરી ભારતીયોની લાગણી સાથે રીતસર ક્રૂર મજાક કરી હતી.)

ઓવૈસી, મિયાંદાદ અને રહેમાન મલિક કે પાકિસ્તાન- આ ત્રણેય મુદ્દા ભલે લાગે અલગ, પણ ક્યાંક તેમના તાર જોડાય છે. ઓવૈસીએ તો ખુલ્લેઆમ રાષ્ટ્રદ્રોહ કે ભારત સરકાર સામે બળવાનું બ્યૂગલ ફૂંકવા જેવી ચેષ્ટા કરી છે. અણ્ણા કે કેજરીવાલ જેવા દેશભક્તો સાંસદો સામે ટીપ્પણી કરે ત્યારે તેની સામે વિશેષાધિકાર ભંગ જેવા પગલાં લેવાની ચેષ્ટા કરતા રાજકારણીઓ ઓવૈસી મામલે મૌન છે, મિયાંદાદ અને મુશર્રફ કે હેમાન મલિક જેવાની મહેમાનનવાઝી માટે તત્પર છે! ભગવાન, આ દેશને બચાવે!

Advertisements

Author:

A journalist who loves his country most than any other thing. I am ever learning man. Reading, writing , Hindi films, television, music and learning new things are my passion. I like to be innovative.

2 thoughts on “ઓવૈસી, જાવેદ મિયાંદાદ અને રહેમાન મલિક : સેક્યુલરિઝમ ક્લિન બોલ્ડ!

  1. હવે ભગવાનેય કેમ કરીને બચાવશે એ પ્રશ્ન છે! :/ આપનાં વિશ્લેષણ અને લખાણની સરળતા કરીને મારાં જેવા રાજકારણ વિષે બહુ નહીં જાણતા પણ જિજ્ઞાસુ નવાં નિશાળીયાઓ માટે બહુ ઉપયોગી અને મદદરૂપ છે.

  2. Appni vaat saathe hun eksoek taka samat chhun. koi pan rajya na mukhyamantri same aa prakarno vanivilas yogya nathi. kasab ane shri narendrabhai ni sarkshamni bilkul yogya nathi. andhra no aa dharasabhya isi ke congress na vighnasantoshi juth nu pyadu lage chhe. andhra na muslimo e aagamai election ma tene haravi ne aa prakar na vidhvansak krutya no javab aapvo joie. ane gujarat ni praja e to pachhi te koi pan sampraday ni hoy eki avaje ava tattvo ne vakhodi teni same sampradayik jher felavva ange no case dakhal karvo joie.

    rahi val miadad ane rehman malik ni e aapna rajkiy tantra ni nablai ganavi joie. aava tatvo ne visa na aapva joie ke bolavva na joie. rehman malik ne to ek nivedan krya bhego j hani kadhvo joito hato.

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s