સત્યા નાડેલા અંગે ભારતીયો હરખપદૂડા કેમ ન થાય?

સત્ય નાડેલા. માઇક્રોસોફ્ટના નવા મુખ્ય કાર્યકારી અધિકારી (સીઇઓ).  હૈદરાબાદમાં જન્મેલા અને પેઢીઓથી પેઢીઓ નહીં, માત્ર ૧૯૯૨માં જ અમેરિકા જઈ વસેલા, ભારતમાં જ ભણેલા એવા વ્યક્તિ માઇક્રોસોફ્ટ જેવી કમ્પ્યૂટરના પ્રાણ કહેવાતી ઓપરેટિંગ સિસ્ટમ અને સૉફ્ટવેર બનાવતી કંપનીના છેક સીઈઓ પદે પહોંચે તો ભારતીયોમાં હરખની હેલી ન ચડે તો જ નવાઈ!  ભાઈ, આપણામાંથી જ એક વ્યક્તિ સિદ્ધિ મેળવે તો તેનો આનંદ ન હોય? હોય જ .

પણ બધી જ વાતોમાં નિરાશા જોતા, પેસિમિઝમમાં જીવતા, લેખકોને આજકાલ સત્ય નાડેલા સીઈઓ બને તેમાં અને ભારતીયો તેનો હરખ કરે તેમાં પેટમાં દુખાવો ઉપડ્યો છે. ભારતની પરિસ્થિતિ એવી ને એવી છે અને ભારતીય મૂળની વ્યક્તિ સિદ્ધિ મળે એમાં આપણે શું? શકોરું? આવી આ લોકોની માનસિકતા છે.

હકીકતે હીરાને બજારમાં વેચાતો હીરો બનાવવો હોય તો તેમાં પાસા પાડવા પડે, એમાં કાપા મૂકવા પડે, મૂર્તિઓ હોય કે માટલાં, એને માટીમાંથી તૈયાર કરાતી વખતે ઘણી પ્રક્રિયાઓમાંથી પસાર થવું પડે છે ને એ સહેલી નથી હોતી. ભારતના વાતાવરણમાં શિસ્ત કે સમયપાલન કે ગ્રાહક પ્રત્યે સજાગતા, ચેતના નથી તે સ્વીકાર્ય, પણ આવા જ વાતાવરણમાંથી એ.પી.જે. અબ્દુલ કલામ, મહેન્દ્રસિંહ ધોની, નરેન્દ્ર મોદીથી  માંડીને સત્યા નાડેલા સુધીની હસ્તીઓ ઘડાયેલી છે.  ઘણી વખત બધી જ સુવિધાઓ જેને મળેલી હોય તેવા વિદ્યાર્થી કરતાં અભાવવાળા વિદ્યાર્થી વધુ કાઠું કાઢતા હોય છે.  અમદાવાદમાં કહેવાય છે કે કોન્વેન્ટમાં શિસ્ત અને સુખસુવિધાવાળા છોકરા કરતાં શાહપુરમાં કે પોળમાં ઉછરેલા છોકરાઓ વધુ ઘડાયેલા, તૈયાર હોય છે. કદાચ એટલે જ અમેરિકા કરતાં ભારતના વિદ્યાર્થીઓ વધુ હોંશિયાર પાકે છે? ઓબામાને પણ અમેરિકાના વિદ્યાર્થીઓને કહેવું પડ્યું છે. અને કદાચ, ભવિષ્યમાં આપણી ભારતની નવી પેઢી પણ અમેરિકાના વિદ્યાર્થીઓ જેવી થઈ જાય તો નવાઈ નહીં, જેમને બે ગુણ્યા બે કરવા માટે પણ કદાચ મોબાઇલની અંદર કેલ્ક્યુલેટર (કેલ્સી, યૂ નો!)ની મદદ લેવી પડે. પ્રભુ શ્રી રામના પિતા કોણ હતા તે જાણવા ગૂગલિંગ કરવું પડે.

આશા રાખીએ કે એવું નહીં જ થાય, પણ હે નિરાશાવાદી મહાન લેખકો, તમારી નિરાશા બધાના માથે થોપો નહીં. જેવું છે તેવું આપણું ભારત છે, અને એ આપણા જેવા લોકોમાંથી જ બનેલું છે, અહીં રહેવું હોય તો પૂરા જોશ અને ઉમળકા સાથે એને સ્વીકારો, એને સુધારવા પણ પ્રયત્ન કરો, બાકી ન ગમતું હોય તો ભારત છોડી બીજે ચાલ્યા જાવ. અહીં તમારા જેવા નિરાશાવાદીઓનું કામ નથી. ભારતમાં ઘણું સારું થઈ રહ્યું છે અને થવાનું છે. માત્ર નિરાશા જ દેખાતી હોય તો તમારો કોઈ ઈલાજ નથી.

Advertisements

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s