humor, society

જમાઈને પત્ર: સાળાના લગ્નમાં ન જવાની તમારી હિંમત કેમ ચાલી?

IMG_20180213_102337

(બોટાદ ખાતે બેન્ક ઑફ ઇન્ડિયામાં નોકરી કરતા એક ભાઈ તેમના સાળાના લગ્નમાં ન ગયા તેથી તેમના સાસરિયાવે તેમને માર માર્યો એ સમાચાર પરથી)

પ્રિય જમાઈ (આમ તો તમારું નામ **** સોલંકી છે પણ તમે જમાઈ સમુદાયના હિસ્સા અને પ્રતિનિધિ છો. એટલે આ સંબોધન ચાલે.),

તમારી હિંમત કેમ ચાલી…સાળાના લગ્નમાં જવાની ના પાડવાની! તમે શું પેલી હિન્દી કહેવત નથી સાંભળી…સારી ખુદાઈ એક તરફ, જોરુ કા ભાઈ એક તરફ. તમારે બેન્કમાં ટ્રેનિંગ હતી તો શું થયું? તમારે સાળાની શહીદીમાં જવું જ જોઈતું હતું…તમને બેન્કમાંથી રજા નહોતી મળી તેમ સાંભળ્યું છે. અરે ગાંડા ભાઈ, તમે સાળાના લગ્નમાં ગયા હોત તો શું થાત? બહુ બહુ તો….સોરી તમને આમાં હિન્દી શબ્દની છાંટ વંચાશે તો નહીં ગમે…એટલે…વધુમાં વધુથી કામ ચલાવીએ…વધુમાં વધુ તમારે બેન્કની સારી એટલે કે બેઠાંબેઠાં પગાર લેવાની નોકરી ગુમાવવી પડત ને…પણ તમે એ ન વિચાર્યું કે આવો સાળો, (બકીના બદલે બચકાં ભરે તેવી) સાળી અને પત્ની તમને તમારા સાત જન્મના પુણ્ય સંચયના પરિણામે પ્રાપ્ત થયાં છે. તમને તમારા સસરાએ કેવી સારી ઑફર આપી કે તે તેમની દીકરીને નહીં મોકલે અને ભલા હતભાગી માણસ! તોય તમે તમારા સાસરેથી નીકળી ન ગયા? તમને કદાચ પત્ની તો ઘેર, સોરી, પિયર ગઈ, પુત્ર તો મળે તેવી ઈચ્છા હશે. પણ ભાઈ, આ જમાનામાં પુત્ર હોય કે પુત્રી, માતાઓ તેમને માવડિયાં બનાવીને જ રાખે છે…અને લગ્ન પછી તેઓ વહુડિયા થઈ જાય છે. આમેય દીકરો મોટો થાય પછી બહુ, સોરી, ઘણા ઓછા બાપ-દીકરાને બનતું હોય છે. એટલે એ ઈચ્છા રાખવા જેવી નહોતી…

તમારા સાળાની એ ફરિયાદ હશે કે એ તો તમારા શહીદી દિનમાં સહભાગી હતો પણ તમે એના દુ:ખમાં સહભાગી ન થયા…તમે એના અણવર કમ આસિસ્ટન્ટ બનશો તેવી તેની અપેક્ષા હોય તે સ્વાભાવિક છે. તમારે એનું નાક (જો હોય તો) તેની સાસુથી બચાવવાનું હતું…તમે તેમ ન કર્યું એટલે તમારું નાક કપાયું ને?! તમારે એના જૂતાં એની સાળીઓ અને સાળાઓથી બચાવવાના હતાં…પણ તમે તેમ ન કર્યું એટલે તમારે જૂતાં, આઈ મીન, માર ખાવાનો વારો આવ્યો…

જમાઈ બાબુ, લાગે છે કે તમે ફિલ્મો ઓછી જુઓ છો…મહાન ચિંતક ધર્મેન્દ્ર કહી, સોરી ગાઈ ગયા છે કે સાસુ તીરથ, સસુરા તીરથ, તીરથ સાલાસાલી હૈં ચારોં ધામ ઘરવાલી હૈં…તમને આ તીર્થોની ઉપેક્ષાનું ફળ તો મળવાનું જ હતું….તમારું અંગ્રેજી પણ કાચું લાગે છે કારણકે તમને ખબર નથી કે આ સાસરિયાવને ઇન લો કહેવાય છે… મતલબ એ લોકો જ કાયદો છે… એમનો આદેશ માનવો જ પડે…

હવેથી નિયમ બનાવજો…પહેલી નોકરી ઘરવાળીની…પહેલી બોસ પત્ની…પછી બીજું બધું…

અને હા…આટલી હિંમત દાખવી જ છે તો વધુ હિંમત દાખવો…પત્ની અને સાસરિયાપીડિતોનાસમાજ માટે આંદોલન કરો…આમેય અત્યારે સમાજને અન્યાયના નામે રાજ્ય અને રાષ્ટ્રને બાનમાં લેવાનું બહુ ચાલ્યું છે…ફેમિનિઝમના નામે પણ લાલ બિન્દી ગેંગ નીકળી પડે છે…ત્યારે તમે જો પત્ની અને સાસરિયાપીડિતોને ન્યાય અપાવશો તો આવા કેટલાય પતિઓના તમને આશીર્વાદ મળશે…આમાં સરકારનો પણ સાથ મળી રહેશે કારણ એમાંના ઘણા પણ આ સમાજના હિસ્સા હશે.

Advertisements

1 thought on “જમાઈને પત્ર: સાળાના લગ્નમાં ન જવાની તમારી હિંમત કેમ ચાલી?”

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s