politics, Uncategorized

લોકોના દિવસના ત્રણ આના, નહેરુના રૂ. ૨૫,૦૦૦

આજે અવિશ્વાસનો પ્રસ્તાવ છે. તેમાં રાહુલ ગાંધીએ જૂઠાણાંનો વરસાદ કરી દીધો. રાહુલને ખબર છે કે સંસદમાં કહેલી વાત સામે બદનક્ષીનો કેસ થઈ શકતો નથી. અવિશ્વાસનો પ્રસ્તાવ અને વડા પ્રધાન નરેન્દ્ર મોદીના વિદેશ પ્રવાસના ખર્ચની બહાર આવેલી વાતોના કારણે ઇતિહાસ યાદ આવી જાય છે.

૧૯૬૩માં પ્રથમ વડા પ્રધાન જવાહરલાલ નહેરુની કોંગ્રેસ સરકાર સામે પણ અવિશ્વાસનો પ્રસ્તાવ આચાર્ય કૃપલાણી અવિશ્વાસનો પ્રસ્તાવ લાવ્યા હતા. તે સમયે કોંગ્રેસ પેટા ચૂંટણીમાં હારવા લાગી હતી. સેના ન રાખવાની નહેરુની નીતિ અને વિશ્વ નેતા બનવાની મહેચ્છામાં ચીન પ્રત્યે આંધળો પ્રેમના કારણે ભારત ચીન સામે યુદ્ધ હારી ચૂક્યું હતું. આના કારણે નહેરુને પોતાની ખુરશી ડગમગાતી દેખાઈ હતી. નહેરુએ પોતાના પછી કોણ એવી ચર્ચા શરૂ કરાવી લોકોને ભાવુક બનાવી પોતાના તરફ વાળવાનો પ્રયાસ કર્યો હતો તેમ તે વખતના મેગેઝિનના અહેવાલો કહે છે. તે સમયે સંસદમાં તેજતર્રાર નેતા રામમનોહર લોહિયા (મુલાયમસિંહ યાદવ, લાલુપ્રસાદ યાદવના ગુરુ)એ એક પુસ્તિકા છપાવી હતી જેનું નામ હતું – *૨૫,૦૦૦ રૂ. પ્રતિ દિન.* લોહિયાનો આક્ષેપ હતો કે જે સમયે લોકોનો એક દિવસનો ખર્ચ ત્રણ આના (ચાર આના બરાબર એક રૂપિયો થતો) હતો તેવા સમયે નહેરુનો એકલાનો એક દિવસનો ખર્ચ હતો – રૂ. ૨૫,૦૦૦ પ્રતિ દિવસ! (આજના સમય મુજબ ખર્વો રૂપિયા થાય).

હવે વાત કરીએ મોદીના વિદેશ પ્રવાસની. આજે જ્યારે કોઈ એક વ્યક્તિને યુરોપ કે થાઇલેન્ડ જવું હોય તો પણ લાખો રૂપિયાનો ખર્ચ થતો હોય ત્યારે દેશહિતમાં વડા પ્રધાન મોદી તેમની સાથે અધિકારીઓ અને મંત્રીઓને લઈને વિદેશ જાય ત્યારે સ્વાભાવિક એ એક પ્રવાસનો ખર્ચ કરોડોમાં હોય જ. પરંતુ તફાવત એ છે કે મોદીના બધા જ વિદેશ પ્રવાસો પારદર્શક છે. ટ્વિટથી માંડીને યૂટ્યૂબ પર તેમણે પોતાના વિદેશ પ્રવાસ અંગે માહિતી આપી છે. એક સાથે ત્રણ દિવસનો પ્રવાસ રાખી, પ્લેનમાં જ સૂવાનું પસંદ કરી હોટલનો ખર્ચ બચાવવાનો પ્રયાસ કરતા મોદીની વિદેશ નીતિ અને વિદેશમાં બિનનિવાસી ભારતીયો સાથેના કાર્યક્રમોએ વિદેશમાં ભારતની છાપ મજબૂત કરવાનો પ્રયાસ કર્યો છે જે ઘણા અંશે સફળ પણ રહ્યો છે.

Advertisements

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s