…તો અમદાવાદ મનપા ભાજપના હાથમાંથી જશે

તસવીર સૌજન્ય: ટાઇમ્સ ઑફ ઇન્ડિયા

જયવંતની જે બ્બાત

અમદાવાદમાં જે રીતે મેટ્રો ટ્રેનનું કામ ગોકળગાયની ગતિએ થવાથી રસ્તાના બૂરા હાલ છે તેમાં પાછા ખોદકામ થઈ રહ્યાં છે. મોટા ભાગના રસ્તા પેચવર્કવાળા છે, સમતળ નથી. પરિણામે લોકોને પેટના દુ:ખાવા થઈ જતા હોય તો નવાઈ નહીં. કારમાં ફરતા ભાજપના નેતાઓને આ પ્રશ્ન ગંભીર ન લાગે, પણ રિક્ષા, સ્કૂટર કે સાઇકલ પર ફરતા લોકોને પૂછો. માત્ર આનંદનગરથી રામદેવનગરનો રસ્તો જ પકડો તો ખબર પડશે. ચોમાસાનું પ્લાનિંગ હોય તો તો વાંધો નથી પણ જો તેમ નહીં હોય તો…પાણીના પોકાર પણ હચમચાવી દે તેવા છે.

નર્મદા મૈયા તો ઉપકારક જ છે પણ આયોજન અણઘડ જણાય છે. ગયા એપ્રિલથી આ હાલત છે. ટ્રાફિક ડ્રાઇવ ને દબાણ હટાવો ડ્રાઇવ સારી ચાલી પણ ત્યાર બાદ ક્રેઇન દ્વારા માત્ર સ્કૂટર જ ઉઠાવાય છે. પાર્કિંગની જગ્યા એક તો ઓછી ન તેમાં બે મિનિટના કામ માટે ગયા હોય ત્યાં ક્રેઇનવાળા સ્કૂટર ઉઠાવવા આવી જાય. પ્રહલાદનગર બગીચા આગળ મ્યુનિ. પાર્કિંગ પ્લૉટ બંધ કરી દેવાયો છે. માતાપિતા બાળકોને રમાડવા લઈ જાય તો પાર્કિંગની મોટી તકલીફ ઊભી થાય છે.

ટ્રાફિક સિગ્નલો પર કાઉન્ટિંગ સિગ્નલો ઘણી જગ્યાએ બંધ હોય છે જેથી સ્કૂટર કે કાર ફરજિયાત ચાલુ રાખવા પડે. ઈંધણ બળે, વિદેશી હુંડિયામણ ઓછું થાય ને પ્રદૂષણ વધે તે અલગ. દિવાળી પર ફટાકડા ફોડવા પર પ્રતિબંધ મૂકતી હિન્દુવાદી સરકાર આ બાબતે વિચારતી નથી. વળી, સિગ્નલ બંધ થયા પછી પણ કારો ને અન્ય વાહનો પૂરપાટ નીકળે તેને અટકાવાતાં નથી જેથી જેનું સિગ્નલ ખુલ્યું હોય તે લોકોની પાંચેક સેકન્ડ તો ચાલી જ જાય.

વળી, દર ચાર રસ્તે ગ્રીન સિગ્નલના સમય અલગઅલગ છે. ક્યાંક ૩૦ સેકન્ડ તો ક્યાંક માત્ર ૧૬ સેકન્ડ છે. આજથી સાત-આઠ વર્ષ પહેલાં સેપ્ટના વિદ્યાર્થીઓ કે બીજા કોઈએ એવી ડિઝાઇન આપ્યાનું યાદ છે કે તમે એક સિગ્નલ પર જો નીકળો તો બધાં સિગ્નલ ગ્રીન જ મળે. આ રીતનું આયોજન અશક્ય નથી.

દિવ્ય ભાસ્કર, દિ. ૩/૫/૧૯

પીરાણા પાસે કચરાના ડુંગરની સમસ્યા ઉકેલવા માત્ર વાતો થાય છે. હમણાં ત્યાં ઉનાળાની સાંજે છ વાગે અંધારું થઈ ગયું હતું ને વાહનોમાં લાઇટ ચાલુ કરવી પડી હતી.

જો આ બધા પ્રશ્નો ન ઉકેલાય તો જનતા આવતી મનપા ચૂંટણીમાં ભાજપને જિતાડે તેમ માનવું ભૂલભરેલું છે કારણકે મનપા ચૂંટણીમાં નરેન્દ્ર મોદી આવવાના નથી.

Advertisements

મારો બ્લોગ વાંચવા બદલ આભાર.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.